Ótextað íslenskt efni

Ég hef verið að undrast það í langan tíma hvers vegna íslenskt sjónvarpsefni er ekki textað. Nú eru allar erlendar bíómyndir textaðar og allir erlendir þættir. En þegar maður horfir á íslenskt efni þá er greinilega ekki talið nauðsynlegt að texta það. Fjöldi fólks er heyrarskert þó það sé ekki alveg heyrnarlaust. Má þar nefna mikinn fjölda eldra fólks og svo þá sem hafa arfgenga heyrnarskerðingu sem byrjar fyrr um ævina. Fólk í þáttum og bíómyndum á það til að muldra eða tala lágt og þá fer alveg fram hjá heyrnarskertum hvað verið er að segja. Ég er ein af þeim sem heyri svolítið illa þó svo að það sé ekki mjög áberandi og mér gengur oft illa að fylgjast með söguþræði í íslensku efni. Í raun finnst mér alveg óþolandi að íslenskt efni sé ekki textað. Ég skil ekki hvers vegna að það er ekki jafn sjálfsagt að texta íslenskt efni eins og erlent. Nú veit ég ekki hvort það sé einhver sértök ástæða fyrir því að þetta sé ekki gert en það væri mikið til bóta ef þeir sem hafa með þetta að gera tækju þetta til skoðunar.

Athugasemdir

[Guðrún Anna Magnúsdóttir (IP-tala skráð) 19.12.2022 kl. 16:15]

Mér þætti vænt um að fá álit annara á þessu eð svör um hvers vegna þetta er svona

[Grímur Kjartansson, 20.12.2022 kl. 08:28]

Textavarp síða 888 - ég nota það oft

en það virkar bara í línulegri dagskrá 

Því miður

[Sigurður Oddgeirsson, 20.12.2022 kl. 14:04]

Hvað er línuleg dagskrá?

[Sigurður Oddgeirsson, 20.12.2022 kl. 14:10]

 Er það, þegar efnið er frumflutt? Og ef efnið er "tekið upp" fylgir .á textinn ekki með? Og ef maður sækir efni, sem þegar hefur verið flutt, fylgir textinn þá ekki með?

[Grímur Kjartansson, 20.12.2022 kl. 20:36]

Sigurður Oddgeirsson, já línuleg dagskrá er eins og maður horfði alltaf á sjóvarp hér áður
Hitt er þegar maður spilar og getur stoppað eða hraðspólað áfram eða aftur á bak.
Íslenskt efni er yfirleitt ekki textað og þarf að ná í textann í textavarpinu á síðu 888 í línulegri dagskrá

[Guðrún Anna Magnúsdóttir (IP-tala skráð) 21.12.2022 kl. 14:18]

Ég skil bara als ekki hvers vegna hægt er að texta allt erlent efni en ekki það íslenska